الشعر الحساني الموريتاني (لغن)

 يقول البداع :يحي ولد مايغب : أَفَيلحْ بَعدْ الْكافيَ .... من هاذي الغيدْ ؤكافْيَه و امنادمْ راهَـا وافيَه ... أخلاكو من سِواهـَا و ازوينه باط ؤ طافيَه .... نِجمتْ لغياد أحْذاها ؤنختير ؤلاهي خافيَه .... لا ماكنت زاد أنْراهـَا   ملكاهـَا نعمه ظافيه .... يحْمدْهـَا حد ايراها ؤملك خاطيه من الغيد .... لا طاتو مَغشْماها شمعدل بيه ألا اتزيدْ .... لاكدتْ بيه أعْشاهاـ  و يقول أيضا:  حامد ملان كاعد بين .... ثنتين بيا متن العين انغازلهم زاد اثنتين....احذا الاستاذ اعل مرات ؤفيهم شيطان ؤلاه مين .... الثنتين ؤلاهم شينات ؤشاطني زاد ؤلاهي ظن .... يكان الحصه كاع ؤفات  و احزملي من ذ كان افطن .... الأستاذ اليان و الصيدات...

 يقول اشريف ول السيد في مدح الرسول:  طــــاه ْالله الِّ فِيهْ اتْحُورْ ... لعْقُولْ اُوجَابْ اسْمُ مَذْكُورْ و امْعَ اسْمُ سَخَّرْلُ لُمُــورْ ... واهْد َبيهْ الْخَلْقْ اُوصَلْحُ  وادْعَ لِلْخَيْرْ او دَكْدكْ سُورْ...*الْكفْرْ الْكفَّارْ امْتَسْـــــــحُ  ءُلاَدَاخلْ حَدْ اتَـلَ لغْـرُورْ...امْنْ اعْدُوهْ اعْدُوهْ انْطَــرْحُ  بامْجِيهْ امَّالُ عَـمْ النُّــورْ...*بَامْجِيهْ ؤلكْـــلُوبْ انْشَـرْحُ  ذَاكْ ارسولْ الِّ لاَحكْ صُورْ...منْ شُوكُ عَاجِزْ عنْ شَرْحُ  وَامِدْحُ يَلْتَمْدَحْ بَالشَّـوْرْ...*و بِالْكَــــافْ و باْلبَيْتْ و مَدْح  فِيهْ الاَّصُولْ اُجُولْ اُكُـولْ...وَاعْــــطِ زَادْالْمَدْحُ كَــــدْحُ ومْشِ فِيهْ اعْلَ عرْظْ و اُطُولْ...واسْوَ منْ جَاكْ اعْلَ مَدْحُ صلى الله عليه وسلم